Novas: A praga dos cebra.

Todo o mundo sabe que a praga do mexillón cebra acabará por chegar ós ríos e encoros galegos, pero Medio Ambente tenta retrasar esa chegada o máximo posible. Esta especie invasora constitue un grave perigo para calquer ecosistema, xa que se adapta perfectamente a calquera medio e reprodúcese de xeito masivo en pouco tempo.
Apodérase de todo o leito fluvial, cubrindo todo o que atopa ó seu paso (a vexetación, as pedras, etc.), ademais de afectar gravemente ás especies autóctonas.
Por iso, estase a preparar unha campaña informativa, dirixida especialmente ós usuarios dos ríos, para que activen as medidas de contención do perigoso bivalvo.
-Activada a alerta para impedir a chegada do mexillón cebra a Galicia.
-Limpeza das piragüas que están en competición.
-Unha vez introducido no medio é imposible erradicalo, soamente se podería eliminar deixando o río seco.

Regresamos

Saudos a todos novamente.
Despois dunha tempada sen actualizar o blog, volvemos con novos artigos esperando que a periodicidade de publicación sexa mais curta e interesante.
Como podedes ver, comezamos informando sobre a recuperación e limpeza das rutas de sendeirismo que algunhos concellos do Deza están a realizar.
Unha das rutas mais fermosas é sen dúbida a que vai dende o Mosteiro de Carboerio ata a fermosísima Fervenza do Toxa, percorrido que fixen en diversas ocasións e que aconsello a todo o mundo amante da natureza. Un dato curioso desta ruta, é que se mostra compretamente distinta dependendo da estación na que se percorra, xa que o cambio que experimenta a variadísima vexetación e os fermosos ríos Deza e Toxa nas diferentes épocas do ano, fan que a paisaxe mude de xeito indescriptible.
Falaremos nun próximo artigo das diferentes rutas de sendeirismo e lugares de interese natural e paisaxístico da comarca para que poidades coñecer un pouco mais os nosos recunchos, tendo en conta que ca chegada do verán non todo vai ser praia.
Por suposto que non nos olvidaremos da pesca, sobre todo porque estamos na época do saltón, modalidade da que tamén falaremos a miudo a partires de agora.
É unha pena que o tempo non acompañe demasiado para a práctica desta arte, xa que as continuas baixadas de temperatura e as chúvias que ocasionalmente están a caer non están facilitar as cousas.
O dito, benvidos a todos os amigos e visitantes do Recuncho Troiteiro e grazas polo voso interese.

Novas de interese.

SENDEIRISMO
Cruces limpará a ruta entre A Carixa e a Fervenza do Toxa e preparará novos sendeiros.

MEDIO AMBENTE
O matadeiro de Botos cumpre tras dous anos a normativa para evitar verquidos.
Un equipamento con capacidade para tratar hasta 500 metros cúbicos ó día.