Ecosistemas do Deza na Rede Natura

Sobreirais do Arnego
Superficie: 1.124 Ha.
Altitude media: 348 m.
Rexión bioclimática: Mediterránea.
Toca os seguintes concellos do Deza: Agolada, Lalín e Vila de Cruces.
Data: 2001.
Principal masa forestal representativa da fraga atlántica con influencia mediterránea presente na conca do río Ulla. Como especies máis representativas detacan o carballo e a sobreira.
Habitats
Uceiras secas europeas
Uceiras ortomediterráneas endémicas con toxo
Bosques aluviais de Alnus glutinosa e Fraxinus excelsior (Alno-Padion, Alnion incanae, Salicion albae)
Carballeiras galaico-portuguesas con Quercus robur e Quercus pyrenaica
Fauna
Ouriolo (Oriolus oriolus)
Moucho de orellas (Otus scops)
Lagarto das silvas (Lacerta schreiberi)

Serra do Candán
Superficie: 10.699 Ha.
Altitude media: 708 m.
Rexión bioclimática: Atlántica.
Toca os seguintes concellos do Deza: Lalín e Silleda.
Data: 2001.
Serra de mediana altitude que conta con notables extensións de matogueira xunto con pequenas carballeiras. Ten ademais superficies importantes de herbeiras con afloramentos rochosos.
Habitats
Uceiras secas europeas.
Uceiras ortomediterráneas endémicas con toxo.
Rochedos silíceos con vexetación pioneira do Sedo-Scleranthion ou do Sedo albi-Veronicion dillenii.
Bosques aluviais de Alnus glutinosa e Fraxinus excelsior (Alno-Padion, Alnion incanae, Salicion albae).
Carballeiras galaico-portuguesas con Quercus robur e Quercus pyrenaica.
Fauna
Martiño peixeiro (Alcedo atthis)
Pica patinegra montesa (Anthus spinoletta)
Bufo real (Bubo bubo)
Avenoiteira cincenta (Caprimulgus europaeus)
Papuxa montesa (Sylvia undata)
Sisón (Tetrax tetrax)
Lagarto das silvas (Lacerta schreiberi)
Libélula (Oxygastra curtisii)

Sistema fluvial Ulla-Deza
Superficie: 1.633 Ha.
Altitude media: 15 m.
Rexión bioclimática: Atlántica.
Toca os seguintes concellos do Deza: Silleda, Vila de Cruces.
Data: 2001
Cursos fluviais con importantes poboacións piscícolas, entre as que destacan salmón atlántico e lamprea.
Hábitats
Esteiros
Pasteiros de Spartina (Spartinion maritimi)
Uceiras secas europeas
Uceiras ortomediterráneas endémicas con toxo
Rochedos silíceos con vexetación pioneira do Sedo-Scleranthion ou do Sedo albi-Veronicion dillenii
Bosques aluviais de Alnus glutinosa e Fraxinus excelsior (Alno-Padion, Alnion incanae, Salicion albae)
Carballeiras galaico-portuguesas con Quercus robur e Quercus pyrenaica
Flora
Narciso (Narcissus cyclamineus)
Fauna
Rato de almizcre (Galemys pyrenaicus)
Lontra (Lutra lutra)
Martiño peixeiro (Alcedo atthis)
Merlo rieiro (Cinclus cinclus)
Sábalo (Alosa alosa)
Zamborca (Alosa fallax)
Lamprea (Petromyzon marinus)
Salmón (Salmo salar)
Salamántiga (Chioglossa lusitanica)
Mexillón de río (Margaritifera margaritifera)

Monte Faro
Superficie: 2.988 Ha.
Altitude media: 886 m.
Rexión bioclimática: Atlántica.
Toca os seguintes concellos do Deza: Rodeiro.
Data: 2001
Área de media montaña con notables representacións de mato.
Habitats
Augas oligotróficas cun contido de minerais moi baixo das chairas areosas (Littorelletalia uniflorae)
Uceiras húmidas atlánticas de zonas mornas de Erica ciliaris e Erica tetralix
Uceiras secas europeas
Uceiras ortomediterráneas endémicas con toxo
Turbeiras de cobertor
Carballeiras galaico-portuguesas con Quercus robur e Quercus pyrenaica
Flora
Esfagno (Sphagnum pylaisii)
Fauna
Pica das árbores (Anthus trivialis)
Picanzo real (Lanius excubitor)
Cotovía pequena (Lullula arborea)
Papuxa montesa (Sylvia undata)
Salamántiga (Chioglossa lusitanica)
Lagarto das silvas (Lacerta schreiberi)

Brañas de Xestoso
Superficie: 1.077 Ha.
Altitude media: 639 m.
Rexión bioclimática: Atlántica.
Toca os seguintes concellos do Deza: Silleda.
Data: 2001.
Son pequenas áreas de turbeiras e torgueiras con presencia de carballeiras de reducida extensión. Na zona cría unha pequena poboación de sisón menor, ave característica de hábitats esteparios.
Habitats
Uceiras húmidas atlánticas de zonas mornas de Erica ciliaris e Erica tetralix
Uceiras secas europeas
Uceiras ortomediterráneas endémicas con toxo
Turbeiras de cobertor
Depresións sobre substratos turbosos do Rhynchosporion
Rochedos silíceos con vexetación pioneira do Sedo-Scleranthion ou do Sedo albi-Veronicion dillenii
Carballeiras galaico-portuguesas con Quercus robur e Quercus pyrenaica
Flora
Esfagno (Sphagnum pylaisii)
Fauna
Pica papuda (Anthus campestris)
Sisón (Tetrax tetrax)
Lagarto das silvas (Lacerta schreiberi)

A Rede Natura no Deza

Os concellos de Forcarei e Lalín son os que contan con maior superficie de terreo incluído dentro da Rede Natura 2000. A Consellería de Medio Ambiente acaba de establecer as bases para a concesión de axudas a programas de acción por parte dos concellos incluídos na Rede Natura 2000, para a súa difusión e uso público.
Entre as actuacións previstas figuran dende a publicación de material divulgativo á creación de páxinas web, así como accións educativas, sinalización de carreiros ou colocación de paneis informativos, entre outras para fomentar o uso público.
Distribución na zona
Superficie en Rede Natura por concellos:
Forcarei: Un 23,94% do total: 4.028 hectáreas das súas 16.826.
Lalín: Un 12,32% do total: 4.023 hectáreas das súas 32.660,8.
Silleda: Un 12,67% do total: 2.127 hectáreas das súas 16.784
Rodeiro: Un 6,57% do total: 1.017,4 hectáreas das súas 15.480,3.
Agolada: Un 4,42% do total: 653,8 hectáreas das súas 14.776,3.
Vila de Cruces: Un 2,94% do total: 455,7 hectáreas das súas 15.485,4.
(Fonte: La Voz de Galicia)

Asociación de Troiteiros Río Furelos

A Asociación de Troiterios Río Furelos faise eco da nova que publicamos no Recuncho sobre a troita pescada por Daniel en Ponte Arcediago, tras comentalo con Rafael Rodriguez, responsable do mantemento da web da asociación.
Precisamente, nesta web poderedes atopar mais fotografías das múltiples troitas que están aparecendo coa pegada da lamprea en diferentes zonas.
Asociación de Troiteiros Río Furelos

Fermoso exemplar coa pegada da lamprea.

Onte pola tarde púxose en contacto connosco o noso amigo e gran troiteiro Daniel para ensinarnos unha fermosísima captura que acadou no río Ulla, concretamente en Ponte Arcediago, lugar pertencente ó concello de Santiso, entre A Golada e Melide.
A troita de 42 centímetros atacou a unha das súas moscas royal moi preto da súa beira, xusto cando se dispoñía a sacar o trallo da auga.
Coa colaboración dun dos seus compañerios de xornada, logrou sacar fora do río esta fermosa troita, pero cal foi a súa sorpresa ó descubrir que nun dos seus costados a troita presentaba unha fonda ferida.
Esta ferida asemellase á que puidemos ver no exemplar pescado por Carlos Lamas Rodríguez en Beigondo, no embalse de Portodemouros, producida por unha lamprea. O curioso deste asunto e que Daniel acadou a súa captura a 8,5 quilómetros río arriba dende a Ponte da Agra, na cola do embalse.

De rutas

Pouco a pouco vai asentándose o bo tempo e os días van medrando. Un bo xeito para desfrutar das numerosas horas de día e da natureza é facer unha ruta de sendeirismo, por iso imos a mostrar no Recuncho Troiteiro algunhas das rutas existentes na nosa comarca.

RUTA DAS SENDAS DE CATASOS
Comezamos coa ruta das Sendas de Catasos, unha ruta moi sinxela e que está ós arredores do pobo de Lalín.
Nesta ruta de sendeirismo pasaremos por varios lugares da parroquia de Catasos, destacando pola súa beleza os soutos de Cardiego e a carballeira de Quiroga. Pasaremos preto do Pazo de Don Freán, por igrexas, muiños, cruceiros e outras mostras de arquitectura popular. Partimos xunto da placa que sinala o quilómetro cero de Galicia.
Á nosa esquerda queda a praza da igrexa. Subimos pola rúa Xoaquín Loriga, á avenida de Bos Aires e chegamos á rotonda de Fenosa. Facemos uns metros pola nacional 525 en sentido Ourense e desviámonos á dereita por unha pista que nos leva a Moneixas. En seguida nos botamos aos camiños. As primeiras sendas lévannos o lugar de Regoufe. Viramos a esquerda a altura do lavadoiro cara a Cobás. Pasamos de refilón por este lugar e baixamos cara o río.
Adentrámonos no fermoso souto de castiñeiros de Cardiego, dentro xa da parroquia de Catasós. O camiño, tras un xiro a esquerda, segue en ascenso pola carballeira de Cardiego ata chegar o lugar de Antuín, quilómetro catro do percorrido. No souto medran castiñeiros e carballos e habita unha fauna variada. No outono medran as setas e o souto convértese nun pequeno paraíso micolóxico.
Chegamos ó lugar de Antuín e atopamos unha encrucillada. Continuaremos por unha pista asfaltada collendo á dereita e subindo ata o lugar de Catasós onde hai un cruceiro con mesa de pedra. Baixaremos polo lugar e toparemos a igrexa parroquial adicada a Santiago. Saimos do centro da parroquia e baixamos cara o lugar da Cabreira. Atravesaremos a nacional 525 de lado a lado e continuamos por un camiño que nos leva cara o monte. Ó chegar a unha encrucillada tomamos un ramal a esquerda e baixaremos ó centro da carballeira de Quiroga, un auténtico monumento natural no que poderemos admirar exemplares de castiñeiro de máis de douscentos anos. Algún exemplar perdeuse tralo paso do furacán Hortensia hai algúns anos e os seus restos están expostos. Saimos da carballeira de Quiroga e continuamos por un camiño que a rodea atopando os restos dun muiño. Subimos un tramo e desviamonos a esquerda por unha senda estreita que nos levará a pasar polo rego de Quintela. Collemos a dereita entre prados e logo a esquerda polo Agro de Curros. O camiño sube entre arboledas.
Collemos un ramal a esquerda e chegamos a Belelle. No centro do lugar hai unha pequena capela. Seguimos entre as fincas cara a Celemín. Pasamos por entre as suas casas de aldea. Dende alí seguimos ata o lugar de Don Freán onde poderemos ver o seu fermoso pazo que se construiu na primeira metade do século XVII. Seguimos agora xa por pistas asfaltadas ata o lugar de Outeiro e baixamos pouco a pouco novamente ata a vila de Lalín. Vemos un cruceiro e unha igrexa románica que data do século XII. Baixamos polas rúas de Lalín ata a praza da igrexa, e voltando ó quilómetro cero, que foi o noso punto de partida, completando unha ruta de 14,3 quilómetros que se pode facer en catro horas tranquilamente.
Pódese atopar mais información na web do Concello de Lalín.

3 toneladas de lixo.

A irresponsabilidade dalgúns cidadans sobre o respeto ó medio ambiente quedou unha vez mais en evidencia. As tareas de limpeza do río Asneiro que remataron a pasada semana constataron que nunha parte do cauce fluvial había depositado mais de 3.000 kilos de lixo que foi retirado por un grupo de persoas que constatou que a maior parte do lixo estaba formado por neumáticos e outros resíduos. O municipio dezano quixo facer coincidir este anuncio coa celebración do Día Mundial do Medio Ambiente. Además, o persoal contribuiu á limpeza de vinte vertedoiros incontrolados. Rodríguez destacou o traballo levado a cabo por esta brigada de mulleres maiores de 45 anos, contratadas polo concello, en colaboración coa Consellería de Traballo.
(Fonte: Faro de Vigo)

Mellora do paseo do río de Rodeiro

Un representante da empresa á que a Consellería de Medio Ambiente adxudicou a obra do río, visitou onte Rodeiro e notificou ós representantes do grupo de goberno, segundo explicou o tenente alcalde, José Vence, que se ían a introducir algunhas modificacións no proxecto de mellora do paseo fluvial.
Vence significou que entende que se trata de cambios técnicos e que non afectan «á grandeza do proxecto» e que serán unhas modificacións que o conselleiro de Medio Ambiente, Manuel Vázquez, encargarase de explicar no transcurso dunha visita institucional a Rodeiro fixada para o próximo día 9.
O tenente alcalde conta que Medio Ambiente vai executar tanto os traballos do río como a construción da depuradora, un servizo necesario tendo en conta que Rodeiro é un dos poucos municipios galegos que aínda non conta cunha.
Fonte: La Voz de Galicia

Non prohíben, só limitan.

Técnicos da consellería de Medio Ambiente desprazáronse a pasada semana a Augas de Galicia en Vigo para solicitar información sobre a solicitude de autorización da UTE AVE Lalín para realizar unha vertedura de augas residuais ós ríos Abeleda e Asneiro. A documentación será revisada e analizada por persoal municipal estes días, para elaborar un informe sobre a conveniencia de presentar reclamacións ao proxecto para que se limite todo o posible a afección ao medio ambiente.
A solicitude é para realizar verteduras cun caudal máximo superior a 46.000 metros cúbicos anuais de augas residuais procedentes das obras do AVE.
O concelleiro Román Rodríguez recordou que o Concello ten de prazo ata o 16 de xuño para presentar as reclamacións que considere oportunas ao proxecto «pero o mínimo que podemos demandar, se todo está dentro dá legalidade e conta coa autorización do propio organismo autónomo Augas de Galicia, é que se cumpran vos parámetros de vertedura e non se superen en ningún momento os caudais autorizados, para que estes feitos non se convirtan en problemas ecolóxicos».

Boa captura

Ainda que as últimas xornadas troiteiras non foron moi productivas, Mario logrou sacar coa súa culleriña unha fermosa troita de 34 centímetros nunha tosta do Asneiro.

Lanzando á outra beira, a culleriña percorreu o fondo da tosta case entrando no cachón e traballando sen necesidade de dar volta ó carrete.

Na metade do seu percorrido produciuse o ataque deste fermoso exemplar que agora mostramos.